E coñecemos a Biblioteca Pública Ánxel Casal

O alumnado de 1º ESO A e 1º ESO B coñeceu o pasado mércores a morea de espazos e posibilidades que a biblioteca Ánxel Casal nos achega no centro da nosa cidade. Un pequeno paseo polo seu fondo local, a sección de biblioterapia, a Biblioteca Accesible, a Biblioteca Feminista ou a Biblioteca LGTBI serve para imaxinar as oportunidades culturais e de ocio que se abren neste espazo.

A visita incluíu unha breve formación de usuarios para familiarizarnos con termos como signatura e OPAC, recursos da web da biblioteca, como facer autoempréstito e autodevolución ou solicitar o carné da Rede de Bibliotecas de Galicia.

No traxecto aproveitamos para ver con outros ollos algunhas curiosidades das rúas de Santiago e a figura de Ánxel de Casal.

Grazas por participar nesta actividade! Bota unha ollada á nosa visita!